Widder kann ich heit net schloofe,
widder ligg ich ganz hellwach,
des is grad wie in de Trope,
so warm is heit die Summernacht.
 
 

Jeden Owend  gege zehne
geht als die Musig dann los,
gibts Nachtkonzerte - un kää schääne-
was mach ich dodegege bloß?
 
 

In ääner Tour  duts immer geige,
un geigt alsfort  so  laut un schrill,
 kään Musiger dut sich mir zeige.
Kää Wunner: es geigt im Hof e Grill!
 
 

                                                      Irma Springer
                                                              09.08.09